最近Sunnie 工作好忙，好少約朋友相聚；不過，今日她難得放假，所以約了她的好朋友---Rainbow一起打網球。 大熱天時，做完運動，大汗叠細汗之際，她們竟然見到有間 "冰涼小店"，當然立即走入去買汽水同雪糕啦!
Sunnie : Rainbow, 你先坐低，我請客啦！ 唔該....要.........
收銀員：多謝，請到隔離取汽水同雪糕。
服務員：麻煩呢邊!
Sunnie: 唔該.......
服務員：請你等等.....
服務員：小姐，你的......
Sunnie & Rainbow: 好好味，舒服哂!!!
P.S. 其實最近都幾忙，所以個情景整了一個星期，因為一搬一執好費時，今晚影相都攪了2 個小時......吹吹風，真是服咗你!!
佢地d動態好配合ar, 長枱自己做的嗎?? 好啱用喎, 收銀櫃台好得ar, 好鐘意, ...好想試下鳥巢定雀巢d 雪糕邊個好食d
回覆刪除[版主回覆08/11/2009 21:49:00]張枱是連四張椅子買 (不過自己加長咗台面)，個收銀櫃是MIMO快餐 (我買了食物 ==>好正，跟足 "大X樂"，但個櫃紙做，當然無買間屋)。
鳥巢同雀巢d 雪糕一樣好食，最重要，是大腸桿菌無超標!!
好正呀~近期大家既作品好得呀 真係好想今晚砌返個黎玩下呀
回覆刪除原來多D 公仔感覺上好似好玩D
[版主回覆08/11/2009 21:45:00]快D切呀，好心急!! MIMO公仔都幾好玩，不過，我影了很久才影到相，因為個個都站不穩，常常撞跌哂其他物件。
正呀！我鐘意你呢個場景呀！D 櫃仔同枱仔好靚呀，係邊到出品嫁？特別個收銀櫃我好鐘意呀！原本你都有成四個MIMO ，多D人好玩D呢！！
回覆刪除[版主回覆08/11/2009 21:42:00]多謝你喜歡 (唔好氹我開心) ! 講開又講，昨晚我見到你個新場景，一邊讚，一邊叫埋老公過來欣賞，他當然讚嘆不已! 點知，我取出自己個箱出來慢慢影相時，又叫他來看，得個 "唔"字及"幾靚呀".....一睇個反應就知什麼叫高下立見......
個櫃是MIMO麵家、張枱是連椅買 (不過自己加長咗台面)，個收銀櫃是MIMO快餐 (我又買了部分，D食物好正，但個櫃紙做!)。 我其實有5 個MIMO，因為可以多D配搭嘛!!
好得喎!好似前排漫畫展個小食部呀 嗰兩個雪糕柜正!唔該比友芒果甜筒我啦
回覆刪除[版主回覆08/11/2009 23:24:00]多謝! 無錯呀，就是嗰兩個雪糕柜。 芒果甜筒賣哂，朱古力好不好? 仲有，下次叫Sunnie 約埋藍藍再去幫襯啦!
其實我想問你d mimo 用具 (櫃, 枱...) 係邊到買嫁，我覺得好靚但又唔知可以係邊到買，去門市佢又叫我訂，但我又覺佢好貴.... 煩惱
回覆刪除[版主回覆08/13/2009 08:30:00]其實，MIMO的出品只有環球自己有得賣，所以我都是去門市買。開頭全套買，點知越出越多，又貴又大件，我就買散餐。本來我有訂，但後來都是決定見到實物才買，因為都不會無貨!