sticki dots

唔知大家有冇用過這種透明的Blu. Tack呢?  我在書展買的，用來貼住SF啲公仔幾好用，尤其啲細細粒的配件，整少少出來唔會有以前白/ 灰色的絲狀物體，價錢同普通的Blu. Tack差不多，一包有64粒!

SF 三層大屋

今天下午同自己講：點都要砌好座三層高的森林大屋才做其他事情，結果攪咗三個鐘，終於大工告成!!!  這座屋是我早前二手買回來的，喜愛它的原因是它可以裝入很多配件 (即係話要買好多$$$才放滿!!!)，這樣我便無須成日又要煩惱將它們收藏好，因為我真是沒有那麼好耐性!  不過，我買這間SF 大屋回家後，才發現我度錯咗個趟櫃之高度，結果放唔入!!  真是一額汗，我最後要拿個鉗同鏍絲批去拆走個櫃的一層趟板連路軌……..

這間屋之外屋其實沒有光明大屋咁靚，外觀沒有太大特色，但可以放好多傢俱….

BB房 ….同上次嗰間不同，加咗其他配件..

女孩子房間亦不是 “公主式”, 較現實….

這個露台位置我很喜歡，好多盆栽，又可以做家務…..

昨天專登去買這套浴缸，因為不想拆起光明大屋個浴室…

大家認唔得這套桌椅之出處，我之前買了回後一直後悔，因為好細，做唔到MIMO場景，誰不知竟然與SF疋配喎!!

另一間睡房……

當然不少得廚房，我成日都覺得唔放架餐車在中間，中間位置 “好吉”，所以又同上次一樣擺了架餐車….

客廳配了這款座地燈，遠看不覺大，都OK啦…..

我將整玩具的地方放在門口旁，因為個工作台剛剛夠位..

功夫熊貓2

功夫熊貓2 -- 我上星期日已經看過了，好開心及好好笑.....最重要的是2D版同早場，只須$30，好抵呀!  (坦白說，動畫拍成3D對我來說，是不大吸引及太貴!)

最近買的SF

由於這半個月，藉著各SF網友彼此報料，大家都知道各Department Store 之森林家族有減價，結果，大家的錢包都貢獻了不少而為自己的收藏品增添不少成員……我當然不例外啦……

 

其實，我都受到點點的壓力…因為有人已經話： “嘩!!你又買SF…”、 “你不是已經有好多嗎?”、”咁大間SF屋有無位放???”……

 

嘻嘻! 我的答案： “興趣嘛!  “可以減壓喎…” “有減價喎，蘇州過後無艇搭，遲啲後悔時買仲貴呀”….. 總之，我們約法三章，只要我放在自己之範圍及不會破壞到間屋的整潔便可繼續買。這些便是最近買的，不過仲未計算向網友小屋買嗰啲…

這一套我一早就想買，因為它們是玩具中的小玩具,……

   

 

SF 燈屋 - 佈置完畢

今天下午我終於佈置好最近在千色店新買之SF 燈屋，由於我之前嗰間沒有燈，而且有瑕疵，所以我一直想在減價時買間新的…  我鍾意佢的草地同埋三角平台仔，當然仲有原裝啲燈啦：-

呢間屋真係我的最愛，因為可以多角看......

 

貓爸爸在看報紙；專業的你哋，知唔知有啲配件不屬於SF呢?

 

露台仔 – 我仲係鍾意放部洗衣機出來；我無買新嗰部，係因為我發現去年竟然買了兩部同款….

 

草地 – 最合適讓一班SF仔玩個夠，我買咗好多嘢比佢地玩。

貓媽媽在做飯，但兩個小朋友仲玩緊喎!

貓囡囡間屋換了少少位置，改動相對較少...

兔哥哥在洗手間內準備刷牙?!

哈利波特 - 死神的聖物 2

Harry Potter.....  終於上了最終回，你問我好不好看?  看的只是好頭好尾，因為去到第六集時，我已經覺得好悶。小說版，我只是看到第七本300多頁便停了。你始終最喜歡是頭兩集，主角十分可愛而氣氛又開心輕鬆....你們有否看過呀?

今次第一次去看IMAX, 因為有免費票，3D效果真的不同...

我仲好記得三位角細個時的樣子... 

忙到嘔

自去完旅行後，工作辛苦到極點，非但積下來的清不走，新的更排山倒海，十分恐怖。為了舒壓，我選擇買玩具，但只買又無時間玩，真是萬分無奈。現在我回到家中，亦不多想完成帶回家中的文件...
(寫於MTR train內，第一次用tab寫blog)

"黑癲鵝先生" － 笑笑笑

有一陣子沒有看戲了，因為沒有吸引的值得入場看.....由於越來越多3D戲，而我手頭上又有兩張UA的普通戲 coupon (暑假檔期又有很多3D戲), 今天有個下午終於選擇了 "黑癲鵝先生"。  如果想開開心心笑一餐，這是一套不錯的選擇，雖然占基 利老了。戲中笑料亦不落俗套 ，D企鵝又十分可愛，只要你不要不停地辯駁，是可以輕鬆無憂地渡過個半小時。

SF 新成員

我終於為我的SF 添了新成員 ---- 貓貓。 這套動物其實在曼谷買的，我見有SF當然去八卦下啦。雖然唔算好平，扣稅及特價後約$159，但總覺得旅行購物特別疏爽，平時就算住度住..... (我仲比人笑，咁想買SF, 不如去日本旅行，泰國又無特別版)

這一套亦是在曼谷買的 (約$177)，由於我不知有美國版，仲問了店員N次是否正版，真笑死人。因為我在香港買嗰套是白色女孩子房，所以見這套幾靚，就買回來。店員還送了個2011年SF座枱月曆給我，不過是泰國假期...

快樂假期

快樂的五天假期轉眼就過去，我次次都是這樣，返工就不願放假，放假就不想返工。其實，對我來說，去旅行的最大目的是讓自己可以有真正的休息，在香港的假期我根本無可能放低工作，只有在外地我方能暫時與工作分開 (不過我今回都忍唔住用了free Wifi看了看公司事務)。

這五天的目的地是曼谷，好relax, 因為已經去過幾次，所以沒有什麼地方要趕著去，住的酒店出出入入亦要坐船仔，涼風送爽，十分舒服。

酒店大堂一景。

這隻船仔我們坐了十多次。

這間酒店好有渡假感覺，不過我無游水，但就差不多天天早起床做gym , 跟住就行商場。此外，這個行程就是食食食。日本菜，法國菜，意大利菜及泰國菜，我真是不敢上磅

這是第一晚的日式放題，不停食，飽到肚痛。

意大利菜，好好味，環境又寧靜。

椰子味蛋糕，回味無窮。

法式菜，第三次去食lu!!!