今天下午同自己講：點都要砌好座三層高的森林大屋才做其他事情，結果攪咗三個鐘，終於大工告成!!! 
這座屋是我早前二手買回來的，喜愛它的原因是它可以裝入很多配件 (即係話要買好多$$$才放滿
!!!)，這樣我便無須成日又要煩惱將它們收藏好，因為我真是沒有那麼好耐性! 不過，我買這間SF 大屋回家後，才發現我度錯咗個趟櫃之高度，結果放唔入!! 真是一額汗
，我最後要拿個鉗同鏍絲批去拆走個櫃的一層趟板連路軌……..
這間屋之外屋其實沒有光明大屋咁靚，外觀沒有太大特色，但可以放好多傢俱….
BB房 ….同上次嗰間不同，加咗其他配件..
女孩子房間亦不是 “公主式”, 較現實….
這個露台位置我很喜歡，好多盆栽，又可以做家務…..
昨天專登去買這套浴缸，因為不想拆起光明大屋個浴室…
大家認唔得這套桌椅之出處，我之前買了回後一直後悔，因為好細，做唔到MIMO場景，誰不知竟然與SF疋配喎!!
另一間睡房……
當然不少得廚房，我成日都覺得唔放架餐車在中間，中間位置 “好吉”，所以又同上次一樣擺了架餐車….
客廳配了這款座地燈，遠看不覺大，都OK啦…..
我將整玩具的地方放在門口旁，因為個工作台剛剛夠位..
正正正...
回覆刪除是木家私嗎, 好靚ar.. 好鐘意ar 女間 room, 特別是張床..
[版主回覆07/31/2011 19:11:00]這套當然都係膠，不過近看會見到有點點變色，所以買間大屋時，賣家送埋比我。
呢間紫色屋好靚。個露台我都鐘意可以種花，原來你玩具工作檯果兩支筆都係無上到色架？我以為我果盒錯體左無上色添。
回覆刪除[版主回覆08/01/2011 20:22:00]我發覺個玩具工作台好多配件啲顏色都同盒上的不一樣。
呢間屋, 第一代是綠色, 果時我勁想買, 因為大間可放好多嘢, 有時我都唔明點解d森林屋咁細, 放到廚房又放唔到厠所....唉! 可惜當時有人大力反對唔比買, 太大間喎....唔比入貨. 依家睇到你D相, 我好想要呀(得個恨字)
回覆刪除我鍾意呢果厠所d嘢, 係咪套裝?
[版主回覆08/01/2011 20:20:00]個廁所大部分都是套裝，只有個座廁、廁所刷、藍色個籃子是後加的。
我取這間屋回來時亦幾有難度，在地鐵上比人眼望望，仲要重到我手都痛。
嘩，間屋好大好靚呀！
回覆刪除[版主回覆08/01/2011 20:14:00]這間屋的體積經已是我自己間屋可以容納之極限，有一次我見到間酒店做特價，平咗成幾百元，心想如果我自己住千幾呎豪宅，應該放得下。哈哈哈！
佈置得好好呢! 呢間屋綠色屋頂最初我都有諗過買ga.. 但係度過個size 就被否決....我鐘意呢個廁所浴缸! 我之前買另一set 個浴缸太大唔係咁好擺呢...個廚房都好整呢! 我都好想有個私家櫃專擺SF! (發夢中…)
回覆刪除[版主回覆08/01/2011 23:38:00]多謝你的讚賞! 其實，買SF屋仔真是好矛盾，又想佢做得大啲可以放多啲配件，但太大根本放不下....
我都好喜歡呢間屋，不過空間有限，同埋真係要投放好多傢俬先靚架，我想買既風車屋都係位既問題所以未買
回覆刪除[版主回覆08/14/2011 17:16:00]嗰間風車屋好靚，比這間仲要大好多......我無可能買到，日後如果你買到，記住影相比我哋看。